Dokumentasaun ba Sorumutu Asuntu Tékniku

Dokumentasaun ba Sorumutu Asuntu Tékniku

Dokumentasaun ba Sorumutu Asuntu Tékniku ne’ebé Akontese Iha Loron 14 fulan Jullu 2025 iha Auditória Fundação Oriente.

Iha Sorumutu refere, Associação Futsal de Timor-Leste hamutuk ho Komisaun Organizadora Liga Futsal TL 2025 fó sai data ofisiál ba abertura ba klubu 10 iha Divizaun 1 no mós dada rifa ba klubu 13 iha Divizaun 2.

Iha sorumutu ne’e mós hetan apoiu maximu husi FFTL liuhusi prezensa Adjuntu Sekretariu Jerál Sr. Fernando Xavier no Diretór Kompetisaun FFTL nian hodi ofisiliza oráriu jogu nian no halo mós esplikasaun kona-ba regulamentu lubuk balu kona-ba jogu, hodi mantein komprimisu jogu limpu no espíritu Fair Play!

Iha sorumutu ne’e, Vice Presidente AFTL Sr. Ivan Alves no Secretário Jeneral AFTL hato’o mós agradesimentu profundu ba klubu hotu nia pasiensia durante pauza Tinan 2 no dezeja bom susessu ba kubu hotu atu mantein aas espíritu kompetitivu.

Sorumutu refere la’o ho susessu no produtivu tebes liuhusi sesaun husu no hatan hodi fó tempu ba klubu hotu hodi esklarese moos dúvidas ruma kona-ba regulamentu jogu no hodi mantein mós sistema transparénsia entre klubu no komisaun organizadora.

Akompaña nafatin plataforma sosiál media nian ba atualidade tuir mai relasiona ho jogu Liga Futsal Timor-Leste 2025 ba Divizaun 1 no Divizaun 2.